Nioqqutissat immikkoortiterneri

Kalaallit Nunaata nunanut allanut niuernera pillugu kisitsisit atorlugit nassuiaasiarinera EU-p nioqqutissat immikkoortiternerinut taaguusersuinera (KN) malillugu naatsorsorneqartarput. Taamatuttaaq nioqqutissanik eqqussuinerup immikkoortiterneranut FN-p immikkoortiterisarnera Standard International Trade Classification (SITC). Taakku saniatigut nioqqutissanik eqqussuineq immikkoortunngugaasarpoq FN-p Broad Economic Categories (BEC) malillugu, avammulli niuerneq immikkoortiterneqartarluni nioqqutissiat suunerinut immikkoortillugit (KONJ), SITC-mi nassuiaasiineq malillugu.

 

SITC-mi taaguusersuinerup atorneqarneratigut nioqqutissat qanoq annertutigisumik suliarineqarsimaneri apeqqutaatillugit immikkoortiterineq pisarpoq, tassaallutik nioqqutissiassat, suliareqqitassat aamma nioqqutissiat naammassillugit suliat. SITC-p suliarinera siulleq 1950-meersuuvoq. Nutarterineq kingulleq (SITC, Rev.4) 2007-mi suliarineqarpoq. Nioqqutissap qanoq suliaanera aalajangiisuusarpoq nioqqutissap immikkoortumut sorlermut inissinneqarnissaanik.

 

EU-p ataqatigiissumik taaguusersuinerta (KN) saniatigut aammalu SITC-p taaguusersuineratigut nioqqutissanik eqqussuineq atuineq malillugu immikkoortitigaavoq, ilanngutinngisatigut BEC-p taaguusersuineranut tunngaveqartut. BEC siulleq 1971-mi suliarineqarpoq. Nutarternera kingulleq/BEC, Rev.2) 1986-mi suliaavoq.

 

BEC-mi nioqqutissanik eqqussuineq atuisinnaaffinnut arfineq marlunnut immikkoortitigaavoq immikkoortullu tamarmik ataasiakkaarlutik nioqqutissanik arlalinnik malitseqarlutik. BEC SITC-p taaguusersuineranut tunngaveqarpoq, imaapporlu nioqqutissat normui SITC-p normui assigippagit malitassatut pingaarnertut BEC-p taaguusersuinera malillugu atuinissamut suussutsit assigalugit atuinissamut atatinneqarsinnaallutik.

 

KONJ-p atorneqarnerani avammut niuerneq tunisassianut assigiinngitsunut agguarneqarpoq. KONJ-i pingaarnernik arfineq pingasunik immikkoortortaqarpoq immikkoortullu tamarmik ataasiakkaarlutik nioqqutissanik arlalinnik malitseqarlutik. Malugineqassaaq KONJ BEC assigalugu SITC-mi taaguusersuineq tunngavigalugu nassuiarneqarmat.